Norrænir músíkdagar í Skotlandi

Norræna Tónskáldaráðið stefnir að því að halda Norræna músíkdaga í Skotlandi árið 2024. Þann 23. júní sl. hittust helstu samstarfsaðilar í Kaupmannahöfn til þess að leggja drög að skipulagningunni.

Hátíðinni er ætlað að verða liður í að þróa samstarf milli Norðurlandanna og Skotlands og leiða saman tónlistarstofnanir, samtök, hópa og skapandi einstaklinga með það að markmiði að stuðla að langvarandi, sjálfbærum samvinnuverkefnum, samstarfi um pöntun tónverka, skipulagningu á listamannadvölum og tónlistarviðburðum. Vegna þessara skipulagsbreytinga fellur hátíðin niður árið 2023. Þegar val á listrænu teymi liggur fyrir og grunnfjármögnun verkefnisins hefur verið tryggð má búast við að kallað verði eftir verkefnum og hugmyndum og frekari upplýsingar munu þá fylgja. Fylgist með!